काठमाडौ । चर्चित हाँस्य टेलिसिरियल ‘हल्का रमाईलो’ अबदेखि हिमालय टेलिभिजनमा प्रशारण हुने भएको छ ।
यसअघि नेपाल टेलिभिजनमा प्रशारण हुँदै आएको `हल्का रमाइलो´ टेलिसिरियल आउँदो आईतबारदेखि हिमालय टेलिभिजनमा प्रशारण हुन लागेको टेलिसिरियलका लेखक, निर्देशक एवं कलाकारसमेत रहेका मरिचमान श्रेष्ठ (बल्छी) ले जानकारी दिए ।
अबदेखि हरेक आईतबार राती ८ बजे टेलिसिरियल हिमालय टेलिभिजनमा प्रशारण हुनेछ । मरिचमान श्रेष्ठ र राजु पौडेलको लेखन, निर्देशन रहँदै आएको ‘हल्का रमाईलो’ निकै लोकप्रिय हास्य टेलिसिरियल मानिन्छ । टेलिसिरियलमा मरिचमान श्रेष्ठ, राजु पौडेल, सारदा गिरी, कृष्ण शिवाकोटी, अनिता बस्नेत, कमला रेग्मी, जयानन्द लामा, डोमा लामा, ईष्टु कार्की, उज्वल खड्का, सविना आचार्य, सविना गिरी लगायतको अभिनय रहँदै आएको छ ।
मरिचमान श्रेष्ठ र राजु पौडेलको लेखन, निर्देशन एवं अभिनय समेत रहँदै आएको अर्को टेलिसिरियल ‘जुठे’ पनि हिमालय टेलिभिजनमा प्रशारण हुँदै आएको छ ।
