याङ्गुन । देशद्रोह गरेको आरोपमा देश निकाला गरिएका नागरिक नेता आङ सान सुकीका निकट सहयोगीलाई शुक्रबार २० वर्षको जेल सजाय सुनाएको उनका वकिलले बताएका छन्।
म्यानमारमा सन् २०२१ को फेब्रुअरी १ को विद्रोहदेखि नै राजनीतिक अस्तव्यस्तता देखिएको छ। एक स्थानीय मानब अधिकार अनुगमनकारी समूहका अनुसार यो अवधिमा राष्ट्रव्यापीरूपमा ठूला विरोध प्रदर्शनहरू भएका र सैनिक सरकारविरूद्ध प्रदर्शनको पक्षधर एक हजार १०० भन्दा बढी मानिसहरू सुरक्षा फौजद्वारा मारिएका छन्। वकिल माइन्ट थ्विनले एएफपीसँग भने, “यू विन एचटिनलाई विशेष अदालतले धारा १२४ ‘क’ अन्तर्गत २० वर्षको कैद सजाय सुनाएको छ।
थ्विनका अनुसार संसदका पूर्व सदस्यसमेत रहेका नेता एचटिन पुर्पक्षपछि जुन्ता प्रशासनले यति लामो कैँद सजाय सुनाएका सुकीको नेशनल लिग फर डेमोक्रेसीको पहिलो उच्च पदस्थ सदस्य हुन्। ८० वर्षीय उनी लामो समयदेखि राजनैतिक कैदी हुन्। उनी लामो समयसम्म सैन्य शासनविरुद्ध प्रचार गरेको आरोपमा पक्राउ परी पुर्पक्षका लागि जेलमा रहँदै आएका थिए।
गिरफ्तार हुनुभन्दा तीन दिनअघि उनले स्थानीय सञ्चार माध्यमलाई सैन्य शासन ‘विवेकी निर्णय नभएको’ र यसले देशलाई गलत दिशामा लगेको बताइएको छ। सुकीलाई दशकौंसम्म जेलमा थुनेको, गैरकानुनी ढंगमा वाकी टकीहरू आयात गर्नेदेखि लिएर कोरोनाभाइरस नियमलाई बेवास्ता गर्नेजस्ता अभियोगहरूको सामना गर्नु परिरहेको छ।
सेनाले पुर्पक्ष गरेको चार महिनापछि मंगलबार जुन्ता अदालतमा उनले पहिलो पटक बयान दिएकी मुद्दाबारे जानकार स्रोतले एएफपीलाई बताएको छ। न्यापितको विशेष अदालतमा सुकीको पुर्पक्षमा उपस्थित हुन सञ्चार माध्यमलाई रोक लगाइएको छ र जुन्ताले हालै आफ्नो कानूनी टोलीलाई सञ्चारमाध्यमसँग कुरा गर्न प्रतिबन्ध लगाएको छ। -एएफपी
