काठमाडौँ । दक्षिण अमेरिकी देश चिलीको राष्ट्रपतिमा ३५ वर्षीय युवक निर्वाचित भएका छन् । पूर्वविद्यार्थी नेतासमेत रहेका वामपन्थी नेता ग्याब्रिएल बोरिक राष्ट्रपतिमा निर्वाचित भएका हुन् ।
३५ वर्षीय बोरिस चिलीको इतिहासमा नै अहिलेसम्मका कान्छा राष्ट्रपति हुन् । उनले सन् २०१९ र २०२० असमानता तथा भ्रष्टाचारविरोधी आन्दोलनलाई समर्थन गरेका थिए । चिलीमा सरकारविरुद्ध भएको व्यापक प्रदर्शनपछि राष्ट्रपति पदको निर्वाचन सम्पन्न भएको थियो ।
सीएनएनकाअनुसार निर्वाचन भएको राष्ट्रपतीय चुनावमा ३५ वर्षका युवा नेता बोरिकले ५६ प्रतिशत मत ल्याएर दक्षिणपन्थी नेता होसे एन्तोनिओ कास्तलाई पराजित गरेका हुन् । नेता होसे एन्तोनिओ कास्तले ४४ प्रतिशत मात्रै मत ल्याएका थिए ।
त्यस्तै बोरिकले असमानता अन्त्यका लागि आफू प्रतिबद्ध रहेको बताएका छन् ।
