काठमाडौ । हिमालयन बैंक लिमिटेडले सेयरधनीलाई २६ प्रतिशत लाभांश वितरण गर्ने प्रस्ताव पारित गरेको छ । बैंकको २९औँ साधारणसभाले २१.३८ प्रतिशत बोनस सेयर र ४.६२ प्रतिशत नगद लाभांश वितरण गर्ने प्रस्ताव पारित गरेको हो ।
यसका साथै हिमालयन बैँक र नेपाल इन्भेस्टमेन्ट बैंक लिमिटेडबीचको मर्जरसम्बन्धी विशेष प्रस्ताव भने साधारणसभाले अस्वीकृत गरेको जनाइएको छ । मर्जरको प्रस्ताव ७५ प्रतिशत सेयरधनीले पारित गर्नुपर्नेमा त्यति मत नपुगेकाले प्रस्ताव पारित नभएको बैंकले जनाएको छ । प्रस्तावको पक्षमा ४३.६३ प्रतिशत र विपक्षमा ४२.२९ प्रतिशत मत परेको तथा मत नहाल्ने १४.०९ प्रतिशत रहेकाले मर्जर प्रस्ताव पारित नभएको जनाइएको छ ।
बैंकको नियमावली तथा प्रचलित नेपाल कानुनअनुसार बोलाइएको बैंकको वार्षिक साधारणसभा कोभिड–१९ को बढिरहेको संक्रमणका कारण नेपाल सरकार तथा नेपाल राष्ट्र बंैकले जारी गरेको स्वस्थ्यसम्बन्धी मापदण्ड र निर्देशनको पालना गर्दै भिडियो कन्फ्रेन्सको माध्यमबाट सञ्चालन गरिएको थियो ।
