काठमाडौं, माघ ४ । प्रधानमन्त्री कप पुरुष राष्ट्रिय क्रिकेट प्रतियोगिताअन्तर्गत आज सेमिफाइनलका दुवै खेल हुदै छन् । आज फाइनलमा स्थान बनाउन चार टोलीले प्रतिस्पर्धा गर्दैछन् ।
कीर्तिपुरस्थित त्रिबि क्रिकेट मैदानमा हुने पहिलो सेमिफाइनलमा नेपाल पुलिस क्लब र बागमती प्रदेश भिड्ने भएका छन् । पुलिसले समूह ‘ए’ मा चारै खेल जितेर समूह विजेताको रूपमा सेमिफाइनलमा प्रवेश गरेको हो भने बागमती प्रदेश समूह ‘बी’ को उपविजेता बनेर सेमिफाइनलमा प्रवेश गरेको हो ।
त्यस्तै, दोस्रो सेमिफाइनलमा दुई विभागीय टोली नेपाल एपीएफ र त्रिभुवन आर्मी क्लबले प्रतिस्पर्धा गर्नेछन् । एपीएफ समूह ‘बी’ को विजेता बनेर सेमिफाइनलमा पुगेको हो भने आर्मी क्लब समूह ‘ए’ को उपविजेता बनेको हो । प्रतियोगितामा सातै प्रदेश र तीन विभागीय टोली सहभागी थिए ।
पुस २६ देखि सुरू भएको प्रतियोगिताको फाइनल खेल भोलि त्रिवि क्रिेकट मैदानमै हुनेछ ।
