काठमाडौं, ०५ माघ । अस्ट्रेलियामा नेपाली विद्यार्थीहरुले सातामा २० घण्टाभन्दा बढी काम गर्न पाउने भएका छन्।
अस्ट्रेलियन प्रधानमन्त्री स्कट मोरिसनले मंगलबार एक वक्तव्य जारी गर्दै नेपाललगायत विभिन्न मुलुकबाट अध्ययन भिसामा अस्ट्रेलिया गएकाहरुले हप्तामा २० घण्टाभन्दा बढी काम गर्न पाउने बताएका हुन्।
यसअघि अस्ट्रेलिया जाने नेपाली विद्यार्थीहरुले हप्तामा २० घण्टाभन्दा बढी काम गर्न रोक लगाइएको थियो। यसअघि अध्ययन भिसामा अस्ट्रेलिया पुगेका कुनै पनि अन्य मुलुकको विद्यार्थीले हप्तामा २० घण्टाभन्दा बढी काम गरेको पाइएमा भिसा नै रद्द गर्ने प्रावधान रहेको थियो । मंगलरबार काठमाडौंस्थित अस्ट्रेलियन राजदूत फेलोसिटी भोल्कले एक ट्विट गर्दै अस्ट्रेलिया जाने नेपाली विद्यार्थीहरुलाई खुसी खबर रहेको बताएकी छन्।
त्यसैगरी जनवरी १९, २०२० देखि नै लागु हुने गरी अबको आठ हप्तासम्म अस्ट्रेलिया जाने नेपालीलाई भिसा आवेदन दिँदा लाग्ने शुल्क फिर्ता पाउने समेत राजदूत भोल्कले जनाएकी छन्।
गत शुक्रबार गृहमन्त्री बालकृष्ण खाणले राजदूत भोल्कसँगको भेटका क्रममा नेपालबाट अस्ट्रेलिया पुगेका नेपाली विद्यार्थीहरुलाई २० घण्टाभन्दा बढी काम गर्न पाउने वातावरण मिलाउनका लागि पहल गरिदिन आग्रह गरेका थिए।
Felicity Volk
@AusAmbNP
Good news for
students travelling to
– you can now work for more than 20 hours per week and visa application fees will be rebated for those travelling from today for the next 8 weeks. See announcements by Australia’s Prime Minister today. https://pm.gov.au/media/press-conference-canberra-act-38
