सेती प्रादेशिक अस्पतालमा एक कोरोना संक्रमितको मृत्यु

धनगढी । सेती प्रादेशिक अस्पताल धनगढीमा उपचाररत एक जना कोरोना संक्रमितको मृत्यु भएको छ । उपमहानगरपालिकाको वडा नम्बर १ शान्तिनगरका ७७ वर्षीय वृद्धको आज (सोमबार) बिहान करिब ४ बजेतिर मृत्यु भएको हो ।

यही माघ ६ गते पीसीआर जाँच गर्दा कोरोना पुष्टि भएका उनको अस्पतालको आईसीयूमा राखेर उपचार गर्ने क्रममा मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले बताए।