काठमाडौं, माघ १६ । पछिल्लो २४ घण्टामा देशभर थप तीन हजार ५४० जनामा कोरोनाभाइरस संक्रमण पुष्टि भएको छ । १३ हजार १४५ वटा नमुना परीक्षण गर्दा सो संख्यामा संक्रमण पुष्टि भएको हो ।
पछिल्लो २४ घण्टामा देशभरबाट ६ हजार ३५९ जना संक्रमणमुक्त भएका छन् । हाल देशभर कोरोनाका सक्रिय संक्रमितको संख्या ८३ हजार ९९९ रहेको छ ।
आज देशभर ३२ जनाको कोरोना संक्रमणका कारण मृत्यु पुष्टि भएको छ । यसमध्ये वीरेन्द्र अस्पतालले ढिला गरी १२ जनाको मृत्युको रिपोर्ट दिएको हो भने बाँकी २० जना विभिन्न अस्पतालबाट १३ देखि १६ गतेसम्म प्राप्त भएको तथ्यांक हो ।
