भेरी अस्पतालमा एक जना कोरोना संक्रमित महिलाको मृत्यु

काठमाडौं । बाँकेको नेपालगञ्जस्थित भेरी अस्पतालमा एक जना कोरोना संक्रमित महिलाको मृत्यु भएको छ ।

बाँकेका कोरोना फोकल पर्सन तेज वलीका अनुसार कैलालीको टिकापुर नगरपालिका–८ निवासी ६८ वर्षीया महिलाको उपचारको क्रममा मंगलबार दिउँसो मृत्यु भएको हो ।

उनले कोरोनाविरुद्धको दुवै डोज खोप लगाएकी थिइन । ती महिलामा सोमबार कोरोना संक्रमण पुष्टि भएपछि अस्पतालमा भर्ना गरिएको थियो ।