काठमाडौं, माघ २७ । कर्नाटकको कलेजका छात्राहरुलाई हिजाबमाथि लगाइएको प्रतिवन्धको विरुद्ध दायर मुद्दाको आज सुनुवाई हुने भएको छ । सुनुवाई कर्नाटकको उच्च अदालतमा तीन जना न्यायाधीशको बेन्च बस्ने जनाइएको छ ।
कर्नाटक उच्च अदालतका प्रधानन्यायाधीश रितु राज अवस्थीले उक्त बेन्चमा एक मुसलमान महिलालाई पनि समावेश गरेका छन् । उक्त मुस्लिम न्यायाधीश जयबुनिसा मोहिउद्दिन खाजीइस हुन् । उनी पनि बेन्चकी सदस्य हुन् । उनलाई जिल्ला अदालतको प्रमुख न्यायाधीशबाट उच्च अदालतमा ल्याइएको थियो । बिहीबार स्थानीय समयअनुसार २ः३० मा यस विषयमा सुनुवाई सुरु हुनेछ । यो बेन्चको अध्यक्षता प्रधानन्यायाधीश स्वयंले गर्नेछन् ।
अर्को सदस्यमा न्यायमूर्ति कृष्ण दीक्षित छन् । उनी तीन दशकदेखि हिजाबको विषयमा सुनुवाई गर्दै उच्च अदालतसम्म पठाउने फैसला गर्ने न्यायाधीश हुन् । यो विषयमा संवैधानिक सवाल र व्यक्तिगत कानुन दुवै समावेश छ । केही महिनाअगाडि कर्नाटकको उडुपीस्थित एक कलेजमा मुश्लिम छात्राहरुलाई हिजाब लगाएर कलेज प्रवेश गर्न प्रतिवन्ध लगाइएको थियो ।
छात्राले उक्त फैसलाको विरोध गरेका थिए । उक्त विरोध कार्यक्रम जिल्लाभर फैलिरहेको छ । विरोध प्रदर्शनपछि मंगलबार तीन दिनसम्म सबै कलेजहरु बन्द गर्न आदेश दिइएको छ । एजेन्सी
