काठमाडौ । टर्कीका राष्ट्रपति रेसेप तैयप एर्दोगान सोमबार संयुक्त अरब इमिरेट्स (यूएई) को भ्रमणमा गएका छन्। झन्डै एक दशकपछि उनी पहिलोपटक यूएई भ्रमणमा गएका हुन्।
लामो समयपछि टर्कीका राष्ट्रपतिले गरेको यूएई भ्रमणलाई महत्वका साथ हेरिएको छ। भ्रमणका क्रममा राष्ट्रपति एर्दोगानले अरब क्षेत्रका विभिन्न विषयसँगै अन्तर्राष्ट्रिय तथा क्षेत्रीय र आपसी दुई पक्षीय विषयमा छलफल गर्नेछन्।
‘अहिलेको भ्रमणले दुई देशबीचको सम्बन्ध अझ राम्रो बनाउन ठूलो सहयोग हुने विश्वास लिएको छ,ु अब दुई देशको सम्बन्धमा नयाँ युग सुरु हुने अपेक्षा छ’, राष्ट्रपति एर्दोगानले भने।
दुई दिने भ्रमणका लागि अबुधाबी प्रस्थान गर्नुअघि टर्कीको राजधानी इस्तानबुलस्थित विमानस्थलमा पत्रकारहरूसँगको कुराकानीका क्रममा उनले यूएईको भ्रमणमा जान लाग्दा आफू उत्साहित रहेको पनि उल्लेख गरेका छन्। टर्कीको उच्चस्तरीय सरकारी टोलीले यसअघि सन् २०१३ मा यूएईको भ्रमण गरेको थियो।
लामो समयपछि भएको अहिलेको भ्रमणले दुई देशका बीचमा नयाँ सहकार्य र सहमतिहरू हुनसक्ने अपेक्षा छ। रासस/एएफपी
