महेश यादव
नवलपरासी, २६ फागुन । पश्चिम नवलपरासीको पाल्हिनन्दन गाउँपालिकाद्वाारा युवा युवतीहरुलाई खेलकुद सामाग्री हस्तान्तरण गरिएको छ । एविसि नेपालद्वारा गठित सिद्धार्थ युवा क्लबका युवा युवतीहरुलाई खेलकुद सामाग्री हस्तान्तरण गरिएको हाे ।
पाल्हिनन्दन गाउँपालिका अध्यक्ष बैजु प्रसाद गुप्ता (दिपक) ले युवा युवतीहरुकाे खेलकुदलाई मध्य नजर गर्दै एक लाख बराबरकाे खेलकुद सामाग्री वितरण गरेको बताउनुभएको हाे । वर्तमान समयमा देशकाे विकासकाे लागि तथा युवा युवतीहरुलाई खेलप्रतिकाे रुचि चाहना र शारीरिक स्वास्थ्य र तन्दुरुस्त समेत बनाउने उद्देश्यले खेलकुद सामाग्री हस्तान्तरण गरेको बताउनुभएको थियोे । उहाँले एविसि नेपाललाई धन्यवाद दिदै युवा युवतीहरुकाे उज्ज्वल भविष्यकाे कामना गर्दै एविसि नेपालका सुपरभाइजर राजमन बरईलाई धन्यवाद समेत ज्ञापन गरेका थिए ।
सुपरभाइजर बरईकाे र युवा युवतीहरुकाे पहलमा गाउँपालिकाद्वारा फुटबल, भलिबल, ब्याडमिन्टन, ब्याट, टिसर्ट अादि लगायतका १०००००/- एक लाख बराबरको खेलखुद सामाग्री हस्तान्तरण गरिएको हाे । गाउँपालिका उपाध्यक्ष पवित्री देवी काेहारकाे उपस्थिति र युवा क्लबका अध्यक्ष विपिन राजभर लगायतकाे युवायुवतीहरुकाे टिमलाई खेलकुद सामाग्री हस्तान्तरण गरिएको थियोे ।
