काठमाडौँ, चैत ४ । नेपाली बजारमा शुक्रबार सुनको भाउ स्थिर रहेको छ । नेपाल सुनचाँदी व्यवसायी महासंघका अनुसार शुक्रबार छापावाल सुनको भाउ तोलाको ९९ हजार आठ सय रुपैयाँ कायम रहेको छ ।
यसअघि, बिहीबार पनि सुन तोलाको ९९ हजार आठ सय रुपैयाँमै कारोबार भएको थियो । त्यस्तै शुक्रबार तेजावी सुन पनि प्रतितोला ९९ हजार तीन सय रुपैयाँमा कारोबार भइरहेको छ ।
यता चाँदीको भाउ भने तोलामा पाँच रुपैयाँले घटेको छ । बिहीबार एक हजार ३९० रुपैयाँमा कारोबार भएको चाँदी शुक्रबार एक हजार ३८५ रुपैयाँ निर्धारण भएको छ ।
