काठमाडौं । कोलकाता नाइट राइडर्सले इन्डियन प्रिमियर लिग (आईपीएल)मा विजयी सुरुआत गरेको छ।
मुम्बईको वान्खडे स्टेडियमा शनिबार भएको उद्घाटन खेलमा साविक विजेता चेन्नई सुपर किङ्सलाई ६ विकेटले हराउँदै कोलकाता नाइट राइडर्सले सुखद खेल जितेको हो।
चेन्नईले दिएको १ सय ३२ रनको लक्ष्य कोलकाताले १८ ओभर ३ बलमा ४ विकेट गुमाएर पूरा गर्यो। कोलकाताको जितमा अजिन्का रहाणेले ४४ रन जोडे। यस्तै साम विलिङसले २५ रन जोड्दा कप्तान श्रेयस एयर २० रनमा अविजित रहे । नितिश राना २१ तथा भेन्कातेस एयर १६ रनमा आउट भए।
चेन्नईका ड्वाने ब्राभोले ३ तथा मिचेल स्टानरले १ विकेट लिए। पहिले ब्याटिङ गरेको चेन्नईले २० ओभर खेल्दै ५ विकेट गुमाएर १ सय ३१ रन जोडेको थियो। जितसँगै कोलकाताले पहिलो खेलमा २ अंक जोडेको छ।
