काठमाडौं । नेपाली बजारमा बुधबार सुनचाँदीको भाउ बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा ६ सय रुपैयाँले बढेको हो ।
मंगलबार प्रतितोला एक लाख ९ सय रुपैयाँमा कारोबार भएको छापावाल सुनको मूल्य आज एक लाख एक हजार ५ सय रुपैयाँ पुगेको छ । यस्तै अघिल्लो दिन प्रतितोला एक लाख ४ सय रुपैयाँमा कारोबार भएको तेजावी सुनको मूल्य आज एक लाख एक हजार रुपैयाँ कायम भएको छ ।
यता, चाँदीको मूल्य पनि आज तोलामा २० रुपैयाँले बढेको छ । मंगलबार तोलाको १३ सय ८० रुपैयाँ रहेको चाँदीको मूल्य बुधबार तोलाको १४ सय रुपैयाँ पुगेको महासंघले जनाएको छ ।
