वीरगंज ३० चैत । टाईफाइड खोप अभियान २०७८÷०७९ अन्र्तगत वडा खोप समन्वय समिति एवं सञ्चारकर्मीहरुको अभिमुखिकरण कार्यक्रम आज वीरगंजमा सम्पन्न भएको छ ।
वीरगंज महानगरपालिका स्वास्थ्य तथा सामाजिक विकास महाशाखा जन स्वास्थ्य प्रवद्र्धन शाखा वीरगंजको आयोजनामा वीरगंज महानगरपालिका वडा नं. १ को स्वास्थ्य केन्द्रमा अभिमुखिकरण कार्यक्रम सम्पन्न भएको हो ।
वीरगंज महानगरपालिका वडा नं. १ का वडाध्यक्ष मनोज कुमार गुप्ताको अध्यक्षतामा भएको कार्यक्रममा वडा नं. १ स्वास्थ्य केन्द्रका ईन्चार्ज एवं वडा स्तरिय खोप समन्वय समितिका सदस्य सचिव मधुरेन्द्र मिश्रले यस स्वास्थ्य केन्द्र अन्र्तगतका १३ वटा विद्यालयहरुमा १५ महिना देखि १५ वर्ष मुनीका करिब ३५ सय बालबालिकाहरुलाई टाईफाइड रोग विरुद्धको खोप लगाउने लक्ष्य रहेको बताए ।
वडा नं. १ का स्वास्थ्य चौकीका २ जना कर्मचारी र सम्बन्धित निकायबाट थप २ जना कर्मचारी माग गरी ४ जनाको समुहले प्रत्येक स्कूलहरुमा गई खोप लगाउने तथा अन्तिम दिन स्वास्थ्य चौकीमा खोप लगाईने स्वास्थ्य केन्द्रका प्रमुख मिश्रले बताए ।
सो कार्यक्रममा वडा नं. १ का महिला सदस्य रिता देवी कलवार, वडा सचिव मायालाल रोकाया, पंडित रामदेनी तिवारी आधारभुत विद्यालय छपकैयाका प्रधानाध्यापक रामरेखा राय, महिला स्वयंसेविका संगिता शर्मा, समाजसेवी शिवनारायण प्रसाद कानु, खोप समन्वय समितिका सदस्य दिनेश साह लगायतको सहभागीता रहेको थियो ।
