झबिन्द्र खण्डलुक मगर
नवलपुर । गैडाकोट नगरपालिका वडा नं- ३ ढोडेनी गैडाकोटमा जारी प्रथम मेयर वडा स्टरिय फुटबल प्रतियोगिताको फाइनलमा प्रवेश गरेको छ । गैडाकोट क्षेत्रिय रङगशाला(३,४,८) मा बुधबार भएको दोस्रो सेमिफाइनलको खेलमा गैडाकोट नगरपालिका वडा नं -१ लाई ७-३ विशाल गोल अन्तरले पराजित गर्दै फाईनलमा पहिलो सेमिफाईनलको बिजय टोली गैडाकोट नगरपालिका वडा नं -४ संग भेट पक्का गरेको छ ।
गैडाकोट नगरपालिका वडा नं -३ लाई फाइनल प्रवेश गराउनका लागि अर्जुन रिमाल २, मिलन आले मगर २, उमेश थापा मगर १, प्रबिण ल्हायो मगर १ र बिकास सुनारी मगरले १ गोल गरेको थियो । पहिलो हापमा वडा नं -३ ले एक पक्षिय खेल आफ्नो पकड जमाउदै ६-० फराकिलो गोलअन्तरले अग्रता लिएको थियो । दोस्रो हापमा गैडाकोट वडा नं १ ले केही सुध्रिएको खेल प्रर्दशनका साथ ३ गोल गरिएता पनि खेलमा बिजय हुन पर्याप्त भएन ।
पहिलो सेमिफाइनलको खेलमा गैडाकोट नगरपालिका वडा नं ४ ले गैडाकोट नगरपालिका वडा नं ९ लाई ३-१ गोल अन्तरले पराजित गर्दै फाईनल प्रवेश गरेको थियो । अब फाईनल खेल बैशाख ९ गते गैडाकोट क्षेत्रिय रङगशाला(३,४,८) मा हुनेछ ।
