काठमाडौं, बैशाख १० । पछिल्लो २४ घण्टामा देशभर थप १८ जनामा कोरोना भाइरसको सङ्क्रमण पुष्टि भएको छ । ४ हजार ९४७ जनाको पीसीआर विधिबाट परीक्षण गर्दा १८ जनामा सङ्क्रमण पुष्टि भएको हो ।
सोही अवधिमा थप १७ जना सङ्क्रमणमुक्त भएका छन् । नेपालमा निको हुने दर ९८.८ प्रतिशत रहेको छ । योसँगै सक्रिय सङ्क्रमितको कुल सङ्ख्या २ सय ८३ पुगेको छ । यस्तै, पछिल्लो २४ घण्टामा थप ४८ हजार ७८० जनाले कोरोनाविरुद्धको खोप लगाएका छन् ।
खोप अभियान सुरु भए यता ४ करोड १० लाख ७५ हजार ७८२ मात्रा खोप लगाइसकिएको स्वास्थ्य तथा जनसङ्ख्या मन्त्रालयले जनाएको छ ।
