काठमाडौं, बैशाख २७ । नेपाली बजारमा मंगलबार सुनको मूल्य तोलामा ७०० रुपैयाँले घटेको छ ।
नेपाल सुनचाँदी व्यवसायी महासंघका अनुसार अघिल्लो दिन प्रतितोला ९८ हजार ७०० रुपैयाँमा कारोबार भएको छापावाला सुन आज प्रतितोला ७०० रुपैयाँले घट्दै ९८ हजार रुपैयाँ कायम भएको हो ।
यस्तै तेजाबी सुनको मूल्य समेत आज अघिल्लो दिनको तुलनामा तोलामा ७०० रुपैयाँले नै घट्दै ९७ हजार ५०० रुपैयाँमा कारोबार भइरहेको महासंघले जनाएको छ । तेजाबी सुन अघिल्लो दिन प्रतितोला ९८ हजार २०० रुपैयाँमा कारोबार भएको थियो ।
यता चाँदीको मूल्य पनि अघिल्लो दिनको तुलनामा तोलामा १० रुपैयाँले घटेको छ । अघिल्लो दिन प्रतितोला एक हजार २८५ रुपैयाँमा कारोबार भएको चाँदीको मूल्य आज घटेको मूल्यसँगै एक हजार २७५ रुपैयाँ कायम भएको हो ।
