काठमाडौं, बैशाख २७ । पछिल्लो २४ घण्टामा देशभर थप १३ जनामा कोरोना संक्रमण पुष्टि भएको छ ।
देशभर गरिएको २ हजार ३७६ पीसीआर परीक्षणका क्रममा १२ जना र १ हजार २५८ एन्टिजेन परीक्षणका क्रममा १ जनामा कोरोना संक्रमण पुष्टि भएको हो । कोरोना संक्रमणका कारण मंगलबार कसैको मृत्यु नभएको स्वास्थ्य तथा जनसंख्या मन्त्रालयले जनाएको छ ।
सोही अवधिमा थप १७ जना निको भएका छन् । यो सँगै हालसम्म नेपालमा ९ लाख ६६ हजार ८२३ जना निको भएका छन् । हाल नेपालमा १८५ सक्रिय संक्रमित आइसोलेसनमा रहेको मन्त्रालयले जनाएको छ ।
