काठमाडौं, जेठ २९ । सुनको मूल्य आज एकैदिन प्रतितोला १५ रुपैयाँले बढेको छ । नेपाल सुनचाँदी व्यवसायी महासंघले आजको मूल्य तोक्दै सुनको भाउ शुक्रबारको तुलनामा १५ सय रुपैयाँले बढेको जानकारी दिएको हो ।
आज छापावाल सुनको मूल्य प्रतितोला ९९ हजार २०० रुपैयाँ र तेजाबी सुनको मूल्य प्रतितोला ९८ हजार ७०० रुपैयाँ कायम रहेको महासंघले जनाएको छ । गत साताको शुक्रबार छापावाल सुनको मूल्य प्रतितोला ९७ हजार ७०० र तेजाबी सुनको मूल्य प्रतितोला ९७ हजार २०० रुपैयाँ थियो ।
यता, चाँदीको मूल्य पनि प्रतितोला १५ रुपैयाँले बढेको छ । आज चाँदीको मूल्य प्रतितोला १२ सय ८० रुपैयाँ कायम छ । जुन, गत साताको शुक्रबार प्रतितोला १२ सय ६५ रुपैयाँ थियो ।
