महेश सिंह
सिरहा, लहान १९ । सिरहाको नवराजपुर गाउँपालिका ३ फुलवरीयामा रहेको सहिद रमेश महतो स्मृति बिद्यालयमा शिक्षकहरुको लापरबाहीले करिब ९ सय विद्यार्थीहरुको भबिस्य अन्यौलमा परेका छन्। पत्रकारहरुको एक समुहले छडके अनुगमनमा पुग्दा १३ जना शिक्षकहरु मध्ये ४ जना शिक्षक मात्र कार्यालयमा भेटीएका थिए ।
स्कुलमा पहिलाको तुलनामा गुणस्तरीय पढाई नहुँदा स्थानीय अभिभावकहरुले आक्रोशित भएका छन्। शिक्षकहरुले लापरबाही गर्दा शिक्षा बिकास सिरहा र स्थानीय सरकारसमेत मौन देखिएका छन्। उक्त बिद्यालयमा पढाई नहुँदा बाध्य भएर स्कुल छोडेर निजि बिद्यालयहरुमा गुणस्तरीय शिक्षाको लागी जाने गरेको स्थानीयहरुले बताए। सहिद रमेश महतोको नाउँ भजाएर खाने शिक्षकहरुलाई कडा कार्वाहीको माग गरिएका छन्।
पत्रकारहरुको एक समुहले छडके अनुगमनमा पुग्दा बिद्यालयका प्रधानध्यापक लगायत ८ जना शिक्षकसमेत अनुपस्थित रहेका थिए भने निमित्त प्र.अ. महेश्वर यादव, लेखापाल र बिद्यालय सहयोगी बालदेब यादव र शिक्षक देबेन्द्र यादव मात्र स्कुलमा भेटिएका थिए।
२०१९ सालमा स्थापना भएको बिद्यालयको अवस्था यस्तो देखिएका छन्। बाल बिकास सहित कक्षा १० सम्म स्कुल संचालनमा रहेका छन्। शिक्षकहरुले सरकारसंग तलब सेवा सुबिधा लिने र स्कुलले निर्धारण गरेको समय अबधी भरी नबस्ने हाजिरी गरेर घर गई दिने काम गर्ने गरेका स्थानीयहरुको आरोप रहेका छन्।
