काठमाडाैं, भदाै १७ । मदन पुरस्कार विजेता साहित्यकार रामलाल जोशीको नयाँ कृति बाआमा विमोचन भएको छ । शुक्रबार प्रज्ञाप्रतिष्ठानको डबलीमा कांग्रेसका महामन्त्री गगन थापा, नायक राजेश हमाल, साहित्यकार नयनराज पाण्डे लगायतले संयुक्त रुपमा उक्त कृति लोकार्पण गरेका हुन्।
उक्त कृतिलाई बुकहिलले प्रकाशक गरेको हो । कृति विमोचन गर्दै कांग्रेस महामन्त्री थापाले बाआमा भित्र आफ्नै कथा समेटिएको अनुभव भएको बताए । विश्वास र यथार्थको सम्मेलनबाट नै सत्य स्थापित हुने कुरा कृतिमा उल्लेख गरिएको उनले बताए।
विमोचन कार्यक्रममा लेखक जोशीले आफू शिक्षक पेशाबाट लेखक बनेको भन्दै सवैको साथ र समर्थन पाएको जिकिर गरे। ‘बाआमा’ साहित्यकार जोशीको तेस्रो कृति हो।
यसअघि उनले ‘ऐना’ र ‘सखी’ प्रकाशित गरिसकेका छन् भने ‘ऐना’ले मदन पुरस्कारसमेत जितेको थियो।
