काठमाडौ । सरकारका प्रवक्ता एवं सञ्चारमन्त्री ज्ञानेन्द्रबहादुर कार्कीले सर्वोच्च अदालतका प्रधानन्यायाधीश चोलेन्द्र शमशेर राणामाथिको महाभियोग जीवितै रहेको दाबी गरेका छन् ।
बुधबार सञ्चारकर्मीसँग कुरा गर्दै कार्कीले आगामी प्रतिनिधिसभामा महाभियोगमाथि छलफल हुने दाबी गरे ।
‘अघिल्लो प्रतिनिधिसभामा चोलेन्द्रशमशेर जबराको विरुद्ध महाअभियोगमाथि छलफल भएर त्यो छलफलको प्रतिवेदन अर्को गठित प्रतिनिधिसभामा छलफल हुने विषय जीवितै छ । यो महाअभियोग सार्वभौमसम्पन्न संसदको सम्पत्ति हो ।
यसको छलफल अब आउने प्रतिनिधिसभामा छलफल भएर यसले एउटा निर्णयमा पुग्छ,’ कार्कीले भने । संसद सचिवालयले भने राणालाई महाभियोग निस्प्रभावी बनेको पत्र दिएको थियो । त्यसपछि राणा आजै सर्वोच्च फर्किने तयारीमा छन् । तर, बार एसोसिएनले भने उनलाई सर्वोच्च जानबाट रोक्ने योजनामा छ ।
