सबै कहाँ अट्छन् र
शब्दमा तिम्रा यादका जरुवाहरु
एकातिर समेटे
अर्कोतिर बाट चुहिएर बगिदिन्छन्
जसरी चुहिन्छ उभाएको जल
अंन्जुलीबाट ।
मुठ्ठीको
अक्षता जस्ता ती झझल्कोहरु
मनको नाङलोमा
समेट्न कोशिस गरेकै छु
तर जति टिप्न खोज्छु
तेति नै छरिईरहन्छन
नियती बनेर ।
तिम्रा ति यादहरुलाई
अक्षरमा समेट्ने प्रयास पनि
पहाड संग लुकामारी खेल्ने
कुहिरो जस्तै बनिदिन्छ
बतासको वेग संगै भागिदिन्छ
क्षणमै अदृश्य भै
र आफ्नै दृश्य एक्लिन्छ ।
अब त यस्तो लाग्न थाल्यो
कि जरुवा नै तिमि हौ
जो यो हृदयको ।
र तेहि हृदयको मुहानबाट अथक उम्रीरहन्छौं
जसलाई रोक्ने
समेट्ने प्रयास मेरो
फगत दुस्साहस मात्र हो ।
Image Cr: Hatsumi.
