इलाम जिल्लाको मलाते ४ मा आज सनिश्चवार निःशुल्क महिला सम्बन्धि स्वास्थ सिविर संचालन भएको छ ।
ग्लोबल आईएमई बैंक र परिवार नियोजन संघको आयोजनामा निःशुल्क स्वास्थ सिविर आयोजना गरिएको हो । सिविरमा इलाम अस्पतालका मेसु डाक्टर प्रभु शाह, आदर्श पोलिक्लिनिकका फिजिसियन डाक्टर जय श्रेष्ठ, परिवार नियोजन संघकी सिनियर स्टाफ नर्स लाक्पा लामा लगायतका मेडिकल टिमले महि लाहरुको उपचार गरिरहेको छ । दिउसो सम्म १५० जना बिरामीको उपचार भईसकेको संघका साखा प्रमुख कमल सुबेदीले जानकारी दिनुभयो ।
शिविरमा थप उपचारको आवश्यकता भएका हरुको स्क्रीनिंग गरेर थप उपचारलाई सहयोग गर्ने तथा महिला रोगका कारण मृत्युवरण गर्नुपर्ने अवस्था आउन नदिने शिविर आयोजनाको मुख्य लक्ष रहेको ग्लोबल आईएमई बैंक इलामका शाखा प्रमुख पिताम्बर खड़काले जानकारी दिनुभयो । उद्घाटन सत्रको अवसरमा वडाध्यक्ष नुतन दुलालले वडाले आफ़नो वड़ाबासीको स्वास्थ्यमा कुनै सम्झौता नगर्ने आफनों नीति रहेको बताउनुभयो । परिवार नियोजन संघका सभापति टीकाराम पूरीको अध्यक्षतामा उद्घाटन कार्यक्रम सम्पन्न भएको थियो ।
सिविर साँझ ४ बजे सम्म संचालन हुनेछ ।
