इलाम को सूर्योदय नगरपालिका को केन्द्र रहेको फिक्कल बजारमा अत्याधुनिक सेवा सहितको आँखा अस्पताल संचालन मा आएको छ। नेपाल नेत्रज्योति संघ,आँखा अस्पताल विराटनगर को शाखाको रुपमा यही माघ २५ गतेदेखि संचालनमा आएको उक्त अस्पताल को उद्घाटन सूर्योदय नगरपालिका का नगर प्रमुख रण बहादुर राईले उद्घाटन गरेका हुन्।
अस्पताल संचालन को अवसरमा माघ २६ र २७ गते दुई दिन नि:शुल्क आँखा शिविर पनि संचालन गरिएको थियोे । उक्त शिविरबाट जम्मा ५०३ जनाले सेवा लिए जसमध्ये ६४ जनाको मेजर अपरेसन ,१३ जनाको माइनर अपरेसन गरियो भने ८० जनालाई चश्मा र २४० जनालाई ओैषधी वितरण गरिएको सो अस्पताल का इन्चार्ज पुष्कर झाले जानकारी दिए।
नेपाल नेत्रज्योति संघ को पहलमा संचालनमा आएको उक्त अस्पताल ले इलाम,पाँचथर,ताप्लेजुङ र भारत का मिरिक,दार्जिलिङ लगायतका क्षेत्र हरु का सेवाग्राही हरु लाई सफा र स्वच्छ वातावरणमा सेवा उपलब्ध गराउन सक्नेछ । यसबाट पर्यटकीय नगर सूर्योदय लाई आँखा उपचारको हब को रुपमा स्थापित गर्न सक्ने समेत संभावना रहेको नेपाल नेत्रज्योति संघ इलामका उपसभापति विष्णु (हेम) कार्की ले जानकारी दिए ।
यस अघि नै इलामको इलाम नगरपालिका र देउमाइ नगरपालिका मा उक्त संघको पहलमा आँखा अस्पताल संचालनमा आइसकेको र विभिन्न पालिका का विभिन्न टोल तथा वडाहरु मा आँखा उपचार सम्बन्धि सेवा र कार्यक्रम हरु संचालन गरिसकेको र निकट भविष्यमा इलामको माइ नगरपालिका मा पनि आँखा अस्पताल संचालनमा आउने समेत कार्कीले जानकारी दिए
- अशोज ३०, २०८३ मा प्रकाशित
