विराटनगर । विराटनगरस्थित नोबेल शिक्षण अस्पतालमा मुटुको एक बिरामीको स्टेन नराखी सफलतापूर्वक एन्जियोप्लाष्टी गरिएको छ। अस्पतालका अनुसार इलामको सन्दकपुर गाउँपालिकाका करिब ६२ वर्षीय बिरामीको तीन वर्षअघिबाट मुटुमा समस्या देखिएको थियो।
छाती अधिक दुख्न थालेपछि उपचारका लागि नोबेल आएका बिरामीको करिब १५ दिन अघि उपचार गरिएको वरिष्ठ मुटुरोग विशेषज्ञ प्राडा. राजेश नेपालले जानकारी दिए। बिरामीको उपचारमा नेतृत्व गरेका डा. नेपालका अनुसार उपचारपछि सामान्य अवस्थमा रहेका बिरामी डिस्चार्ज गरी घर फर्किसकेका छन्। प्राडा नेपालका अनुसार बिरामीको मुटुमा तीन वर्षअघि राखिएको स्टेनमा पुनः अवरोध सिर्जना भएपछि यसपटक स्टेन विना ड्रग कोटेटड बेलुन एन्जियोप्लाष्टि गरिएको हो।
प्राडा. नेपालले स्टेन राखेर गरिने एन्जियोप्लाष्टीको वैकल्पिक रुपमा यसलाई लिन सकिने बताए। जसले औषधि भएको बेलुन साधुँरिएको धमनीमा पुराएर फुलाउने र खुम्चाउने कार्य गर्ने उनले बताए। जसकारण साँघुरिएको धमनीको भाग खुल्न जान्छ। प्राडा नेपालले भने, ‘सबै स्टेन राख्ने स्थितीका बिरामीमा यो ड्रग कोटेड बेलुन एन्जियोप्लाष्टी गर्न सकिन्न। तर पहिला नै स्टेन राखिसकिएको अवस्थामा धमनी साँघुरिएदै गर्दा यो प्रविधी प्रभावकारी हुन्छ।
दुई स्थानमा रक्तनली साँघुरिएको हँुदा एकतर्फको रक्तनलीमा स्टेन राखेर अर्को नलीमा यस प्रविधीलाई उपयोग गर्न सकिन्छ। स साना धमनी जहाँ स्टेन राख्न समस्या हुने गर्छ त्यहा भने यस प्रविधी प्रभावकारी हुने गरेको छ।’
