सूर्योदय नगरपालिका को केन्द्र फिक्कल मा अवस्थित सरकारी अस्पताललाई बजारमा ४५ लाखभन्दा बढी मूल्य पर्ने – Fully Automatic Biochemistry Analyzer Machine-Tokyo BOEKI BIOUS 30i सूर्योदय नगरपालिकाको तर्फबाट आज हस्तान्तरण भएको छ ।
जापानमा निर्माण भएको उक्त मेशीन अन्तर्राष्ट्रिय मान्यता प्राप्त रहेको र मेशीनको टेष्ट रिर्पोटको मान्यता सय प्रतिशत रहेको जनाइएको छ।
सो मेशीनले पहिलो पटक १५ मिनटमा रिपोर्ट र दोस्रो प्रति १५ सेकेण्ड प्रति रिपोर्ट दिन सक्ने बताइएको छ भने उक्त मेशीन नेपालमा पहिलो पटक फिक्कल अस्पतालको ल्याबबाट संचालनमा आएको समेत जनाइएको छ ।
प्रति २४ घण्टामा १५०० को ल्याब टेष्ट गर्न सकिने अत्याधुनिक मेशिन संचालनमा आएपछि सूर्योदय नगरपालिका मात्र नभई पायक पर्ने समग्र इलाम जिल्लावासी लाई नै सुविधा पुग्नेछ।
