नेपाली साहित्यका आदिकवि भनेर चिनिने भानुभक्त आचार्यको २११ओैं जन्म जयन्ती तथा १०८ स्वामी सोमेश्वरानन्दको १९७ओैं जन्म जयन्ती आज सूर्योदय नगरपालिका को फिक्कलमा एक कार्यक्रमको आयोजना गरि सम्पन्न भएको छ ।
सूर्योदय सामाजिक प्रतिष्ठानले आयोजना गरेको उक्त कार्यक्रममा सूर्योदय नगरपालिका भित्रका ४ वटा विद्यालय का ८ जना बालबालिकाले भानुरचित रामायणका श्लोक वाचन गरेका थिए।
प्रतिस्पर्धात्मक उक्त श्लोक वाचन कार्यक्रममा श्री कृष्णाश्रम माविकी सृष्टिका भुजेल प्रथम भइन् भने बौद्धधाम माविका आचार्य द्वितीय , कृष्णाश्रम माविकै अनुपम पोखरेल तृतीय र बौद्धधाम माविकी मिका यादव चौथो भइन् ।
कार्यक्रमका प्रमुख अतिथि सूर्योदय नगरपालिकाका नगरप्रमुख रण बहादुर राईले यस किसिमको कार्यक्रमले बालबालिकाको क्षमता विकास हुनुका साथै नैतिक शिक्षाको पनि विकास हुने बताए ।
विशिष्ट अतिथि उपप्रमुख दुर्गा बरालले सूर्योदय सामाजिक प्रतिष्ठान सँग सहकार्य गरेर सूर्योदयको साहित्य ,कला र संस्कृतिको उत्थानका लागि सधैं अघि बढ्ने प्रतिबद्धता जनाए।
कार्यक्रममा सहभागीका तर्फबाट अमिरा राई, टिंकु भट्टराई , माधव भट्टराई लगायतबाट कविता,मुक्तक तथा गजल प्रस्तुत गरिएको थियोे । सोही कार्यक्रममा कृतिकार इच्छाराम कट्टेललाई सम्मान समेत गरियो ।
प्रतियोगिता को मूल्यांकनकर्ता हरु क्रमशः अर्जुन वेदना राई, माधव भट्टराई र प्रेम गिरी रहनुभएको थियोे भने कार्यक्रमको अध्यक्षता आयोजक संस्थाका उपाध्यक्ष कुल प्रसाद ढकालले गर्नुभएको सो कार्यक्रममा स्वागत मन्तव्य संस्थाका सचिव प्रेमसागर भट्टराईले र कार्यक्रम संचालन सहसचिव जुगमाया घलेले गर्नुभएको थियोे ।
