इलाम / इलामको पश्चिम् छेत्र रहेको माङसेबुङ गाउँपालिका २ मा रहेका खड्ग बहादुर कार्कीलाई आफ्नो घर खर्च टार्न अरुको मुख ताक्नु परेको छैन छैन । उहाँ करेसा आफ्नै बारीमा अकबरे खोर्सानी व्यावसायिक खेतीबाट घर खर्च चलाउने गर्छन् ।
खड्ग बहादुर कार्कीले अकबरे खोर्सानीबाट वार्षिक १५ लाख आर्जन गर्दै आएका बताउछन् ।
उत्ता मलेसियाको रोजगारीबाट फर्केर दुई वर्षअघि ‘बताहा कृषि तथा नर्सरी फार्म दर्ता गरी व्यावसायिक रूपमा अकबरे खोर्सानीको खेती सुरु गरेका हुन । कार्कीले वार्षिक तीन लाख आम्दानी गर्दै आएका थिए ।
गत वर्ष एक हजार बोटबाट ११ क्विन्टल अकबरे खोर्सानी उत्पादन भएको र पहिलो पटक नै प्रशस्त आम्दानी भएको कार्कीले जानकारी गराएका छन । उत्ता प्रतिकेजी रु दुई सय ५० देखि तीन सयसम्म आफ्नै बारीमा बिक्री हुने गरेकोले उहाँले यस वर्षदेखि खेती विस्तार गरेको बताउनु भएको छ ।
यस वर्ष उहाँले पाँच हजार बोट अकबरे खोर्सानी रोपेका छन, भने उहाँ आफ्नै चार र छिमेकीको चार रोपनी जग्गा भाडामा लिएर आठ रोपनी क्षेत्रमा अकबरे खोर्सानी खेती विस्तार गरेका छन । उत्पादिन अबकरे खोर्सानी बिक्रीका लागि बजारको चिन्ता नभएपछि खेती विस्तार गरेको उहाँ ले बताउनु भएको छ ।
यसमा सबै खर्च कटाएर वार्षिक रु १० देखि १५ लाखसम्म कमाइ गर्ने लक्ष्यका साथ उहाँले यस अकबरे खोर्सानी खेती विस्तार गरेकोे हो । अब दुई वर्षसम्म बोटहरुले नै उत्पादन दिन्छ । हरियो अकबरे खुर्सारी दिनैपिछे पनि टिप्न पाइने तर पाकेको भने सातामा दुईपटक टिप्न मिल्छ र एक हजार बोटबाट पहिलोपटक ३० देखि दोस्रो खेपमा २० केजीसम्म उत्पादन दिएको कार्कीले जानकारी गिनुभएको छ ।
अकबरे खुर्सानी हरियो प्रतिकेजी रु दुई सय ५० सम्म आफ्नै बारीमा नै बिक्री भैरहेको बताउनुभयो । यस उत्पादित गरेको हरियो अकबरे खोर्सानी इलाम बजार, झापा,दमक अनि सुनसरीको इटहरीसम्मको व्यापारीहरुले लाने गरेको पाइन्छ ।
खड्ग बहादुर कार्कीले सुरुमा थोरै लगानीमा आफ्नो बारीमा अकबरे खेती सुरु गरेको खड्ग बहादुर कार्कीले १० हजार बोट अकबरे विस्तार गर्ने योजना गरेको र अबकरे खोर्सानीका साथमा गोलभेँडा-भण्टा-बन्दाकोभी- प्याज र एभोकाडो अनि कफीका बिरुवालाई पनि उत्पादन गर्दै आएका कार्कीले जानकारी गराउनु भएको छ ।
