योगेन्द्र योगी
बिराटनगर : हिमालय टेलिभिजनमा प्रसारित कार्यक्रम द भ्वाइस किड्स्की फिनालिष्ट मोरङको सुन्दरहरैचा १० निवासी समिक्षा दाहाललाई आफू अध्यानरत ब्राइट फ्युचर सेकेण्डरी स्कुलले सम्मान गरेको छ।
सुन्दरहरैचा ८ को सलकपुरमा ब्राइट फ्युचर स्कुलले दाहाललाई एक कार्यक्रमको आयोजना गरी सम्मान गरेको हो। कक्षा ७ अध्यनरत उनलाई स्कुलका प्रिन्सिपल टिकाराम ढकालले ‘द भ्वाइस किड्स’ सिजन ३ को फाइनलसम्म पुगेर आफ्नो विद्यालयको पनि नाम रहेको भन्दै आगामी सांगीतिक यात्राको लागि पनि बधाई तथा शुभकामना दिएका थिए।
उनलाई विद्यालयको तर्फबाट संगित सामाग्री खरिद गर्नका लागि प्रोत्साहन स्वरुप २५ हजार पुरस्कार पनि दिईएको प्रिन्सिपल ढकालले जानकारी दिए। उनलाई फिनालिष्ट सम्म पुर्याउन बिद्यालयका शिक्षक,शिक्षिका र विद्यार्थीले भोट गरेर फाइनलसम्म पुर्याएको भन्दै सबैलाई धन्यवाद दिएका थिए।
साथै, प्रिन्सिपल ढकालले आफ्नो बिद्यालयमा अध्यनरत छात्रालाई भोट गरेर फाइनलसम्म पुर्याएको सुन्दरहरैचाक निजि तथा आवासीय बिद्यालय र सुन्दरहरैचाबासी सबै प्रति आभार ब्यक्त गरेका थिए। समीक्षा कोच मिलन नेवारबाट फाइनलमा पुगेकी थिईन्।
