सुन्दरहरैचा : मोरङको सुन्दरहरैंचा नगरपालिका वडा -१० मा रहेको हातेमालो बहुउद्देश्यीय सहकारी संस्थाको हातेमालो लघु उद्योग मिल संचालनमा आएको छ। लघु उद्योग मिलको कोशी प्रदेशका सांसद ज्ञानेन्द्र सुवेदीले शुक्रबार उद्घाटन गरेका छन्।
मिल उद्घाट कार्यक्रममा बोल्दै प्रदेश सांसद सुवेदीले लघु उद्यम, घरेलु तथा साना उद्योगको विकास एवं प्रवर्द्धन सम्बन्धी कार्यहरु गर्न प्रोत्साहन गर्दै स्थानीय बजार प्रवर्द्धन गर्न गरी नीतिगत र आर्थिक पाटोको बिषयमा किसानलाई जोड्दा सहकारी क्षेत्रको उन्नति प्रगतिका साथै रोजगारीको सृजना गर्न सकिने बताए।
कार्यक्रममा सुन्दरहरैंचा नगरपालिका वडा -१२ का अध्यक्ष तथा नगर प्रवक्ता रोशन प्रसाद ढकालले सुन्दरहरैंचाको लघु उधोगहरु पलायन हुदै नजिकका पालिकामा सर्दै गएको हुँदा प्रोत्सानमुखी कार्यक्रम ल्याउन र ब्यबस्थित र मर्यादित बनाउन आवश्यक रहेको बताए।
खाद्य सुरक्षा र चुनौती भएको अवस्थामा जनस्वास्थ्यलाई ध्यान दिएर यस्तो किसिमको उधोग संचालनमा ल्याएको संस्थाका अध्यक्ष अर्जुन बस्नेतले बताएका छन। बस्नेतले सिंगो समाज जोडिएको हातेमालो संस्था अग्रणी संस्थाको रुपमा बिकास भएको भन्दै केमिकल, अखाद्ध बस्तुको प्रयोग भन्दा आफ्नै खेतबारीमा उबजाएको शुद्ध बस्तु प्रयोग गर्न सकियोस भनेर संस्थाले उत्पादन गर्दै आएको बिषयमा जोड दिए।
साथै आफ्नै लघु उधोगमा उत्पादित अब छिट्टै नै ब्राण्डीङ्ग गरी हातेमालोको आफ्नै लोगो हुने र प्राबिधिक कटिनाइका कारण ढिलो भएको बताए। बित्तिय स्वास्थ्यमा सबल बन्दै गएको संस्थाले ५ करोड ९५ लाख शेयरपुजी रहेको र १ हजार ६ सय ९३ कृयाशील सदस्य रहेका छन। वडा -१२ मा संचालित लघु उधोगले चामल, बेसार, तेल, पिठो लगायतको खाद्धन बस्तु उत्पादन गरी बिक्रि वितरण गर्दै आएको छ।
