काठमाडौं / अजरबैजानको बाकु सहरमा हुने जलवायु परिवर्तनसम्बन्धी संयुक्त राष्ट्र सङ्घीय संरचना महासन्धि पक्ष राष्ट्रहरुका २९ औँ सम्मेलन कोप –२९ मा भाग लिन यो आउदो कात्तिक २५ गते राष्ट्रपति रामचन्द्र पौडेल जाँदै छन् ।
कात्तिक २७ र २८ गते हुने उच्चस्तरीय सत्रको विश्व नेताहरू जलवायु कार्य शिखर सम्मेलनलाई कात्तिक २७ गते सम्बोधन हुने कार्यक्रम हुदा परराष्ट्र मन्त्रालयले जानकारी गराउनु भएको छ ।
कात्तिक २८ गते राष्ट्रपति पौडेलको नेतृत्वमा बेग्लै उच्चस्तरीय सत्र सञ्चालन रहनेछ । सो सम्मेलनमा नेपालको तर्फबाट पनि आफ्ना एजेण्डामाथि विश्वको ध्यानाकर्षण गराउने छ । राष्ट्रपति पौडेल उच्चस्तरीय नेपाली प्रतिनिधिमण्लको नेतृत्व गर्दै बाकु जान लागेका हुन् ।
विश्वका देशहरु भन्दा नेपाल जलवायुको असरबाट सबैभन्दा बढी प्रभावित मुलुकहरु मध्ये पर्ने भएको तथा सम्मेलनमा ‘पर्वतीय क्षेत्रमा जलवायुजन्य हानी तथा नोक्सानीको सम्बोधन’ विषयक उच्चस्तरीय बैठक समेत हुने छ ।
नेपालले जलवायु परिवर्तनसम्बन्धी विभिन्न महासन्धिका पक्षमा राष्ट्रको हैसियतले सन् २०५० सम्म कार्यान्वयन गर्ने राष्ट्रिय अनुकूलन कार्यक्रम तयार गरी कार्यान्वयन गरिरहेको तथा बैठकमा नेपालले मेलम्ची, मुस्ताङ, कञ्चनपुर, थामे, काठमाडौँ उपत्यकालगायत क्षेत्रमा असामान्य मौसमीजन्य घटनाका कारण आएको बाढीपहिरोबाट भएको क्षतिबारे परराष्ट्र मन्त्रालयले जानकारी दिएको छ ।
यही कात्तिक २६ गते सुरु भइ मङ्सिर ७ गते सम्म सञ्चालन हुने भएको र सम्मेलनमा सहभागी हुने र राष्ट्रपति पौडेल कात्तिक ३० गते शुक्रबार आफ्ना स्वदेश फर्कने कार्यतालिका समेत परराष्ट्र मन्त्रालयले जानकारी दिएको छ ।
