इलाम / इलाम जिल्लाको फाकफोकथुम–७ दाेकानडाँडामा रहेको जनकल्याण माध्यमिक विद्यालयमा विद्यार्थी, शिक्षक र अभिभावकबीच आपसी सहकार्य र विद्यालयको शैक्षिक गुणस्तरबारे छलफल गरिएको छ।
कार्यक्रममा विद्यालय व्यवस्थापन समिति, शिक्षक, विद्यार्थी तथा अभिभावकको सहभागिता रहेको थियो। विद्यालयमा शिक्षण–शिक्षण पद्धति सुधार, अनुशासन, सहपाठीसँगको व्यवहार, र विद्यार्थीको सिकाइ उपलब्धि अभिवृद्धि गर्ने विषयमा विस्तृत छलफल भएको सहभागीहरूले जनाएका छन्।
विद्यालय प्रशासनका अनुसार अभिभावकहरूको सक्रिय सहभागिता र सुझावलाई आगामी शैक्षिक योजनामा समावेश गरिनेछ। यसले विद्यालय र समुदायबीचको सम्बन्ध अझ प्रगाढ बनाउन सहयोग पुग्ने विश्वास लिइएको छ।
