काठमाडौँ । चीनले नेपालमा चाँडै शान्ति र सुव्यवस्था कायम हुनेमा सकारात्मक धारणा व्यक्त गरेको छ ।
चीनको परराष्ट्र मन्त्रालयमा आयोजित नियमित पत्रकार सम्मेलनमा बोल्दै प्रवक्ता लीन चियानले नेपाल–चीनबीचको सम्बन्ध ऐतिहासिक र मित्रवत रहेको स्मरण गराउँदै, नेपालको आन्तरिक विषयलाई नेपाली समाजका विभिन्न पक्षहरूले आफ्नै तरिकाले समाधान गर्नेमा विश्वास व्यक्त गरे ।
उनका अनुसार, नेपालले स्थिरता र शान्ति स्थापना गर्ने प्रयासलाई चीनले नजिकैबाट हेर्दै आएको छ र यसमा सफल हुने अपेक्षा राखेको छ ।
