काठमाडौं । हालैका दिनमा चर्चामा आएको ‘जेनजी आन्दोलन’ लगायतका घटनाक्रममा नेपाली सेनालाई जोडेर विभिन्न किसिमका टिप्पणी र अभिव्यक्ति फैलिइरहेको सन्दर्भमा सेनाले नागरिकलाई सावधान रहन आग्रह गरेको छ।
सेनाले सार्वजनिक गरेको सूचना अनुसार संस्थाले नियमित रूपमा प्रेस विज्ञप्ति, सूचना नोटिस तथा आधिकारिक सामाजिक सञ्जालमार्फत तथ्यपरक जानकारी प्रदान गर्दै आएको हुँदा, अपुष्ट वा भ्रामक सूचनामा विश्वास नगर्न अपील गरिएको छ।
त्यसैगरी, सेनाले सही र आधिकारिक जानकारी लिनका लागि नेपाली सेनाको जनसम्पर्क तथा सूचना निर्देशनालयसँग प्रत्यक्ष सम्पर्क गर्न सकिने र आवश्यक परे स्थानीय निकायहरूमार्फत पनि जानकारी प्राप्त गर्न सकिने जनाएको छ।
