काठमाडौँ – सिंहदरबारभित्र नयाँ प्रधानमन्त्रीका लागि कार्यकक्षको तयारी तीव्र गतिमा भइरहेको छ। गृह मन्त्रालयले भवनको आन्तरिक व्यवस्था, आधुनिक सुविधा र प्रशासनिक आवश्यकताहरूको ख्याल गर्दै कार्यकक्षको सजावट र व्यवस्थापन गरिरहेको जनाएको छ।
गत सोमबार र मंगलबार देशव्यापी प्रदर्शनपछि प्रधानमन्त्री पदमा रिक्तता आएको थियो। प्रदर्शनमा जेन–जी पुस्ताका युवाहरूले भ्रष्टाचार, सामाजिक सञ्जालमाथि प्रतिबन्ध, र सरकारका अन्य नीति–निर्णयको विरोध जनाएका थिए।
प्रदर्शनका क्रममा सिंहदरबार, प्रधानमन्त्री निवास बालुवाटार, पार्टी कार्यालयहरू र केही निजी सम्पत्तिमा आगजनी र तोडफोड भएको थियो।
स्रोतहरूले सिंहदरबारमा नयाँ नेतृत्वका लागि तयारी भइरहेको र कार्यकक्षमा सुरक्षा व्यवस्थापन, प्रशासनिक संरचना र आगामी प्राथमिकताहरूलाई ध्यानमा राखिएको जानकारी दिएका छन्।
