काठमाडौं । नेपालको पहिलो महिला प्रधानमन्त्री बनेकी सुशीला कार्की आज राति ९ बजे पद तथा गोपनीयताको शपथ ग्रहण गर्ने कार्यक्रम तय भएको छ। शपथपछि मन्त्रिपरिषद्को पहिलो बैठक बसेर संसद् विघटनको सिफारिस गर्ने तयारी भएको स्रोतले जनाएको छ।
राष्ट्रपति कार्यालयले कार्कीलाई प्रधानमन्त्री नियुक्त भइसकेको पुष्टि गरेको छ। राष्ट्रपतिको प्रेस सल्लाहकार किरण पोखरेलका अनुसार शपथलगत्तै मन्त्रिपरिषद् गठन र निर्णय प्रक्रिया अघि बढ्नेछ।
मन्त्रीहरूको नाम टुंगो लाग्न बाँकी भए पनि आजकै मन्त्रिपरिषद् बैठकबाट संसद् विघटन सिफारिस हुने प्रबल सम्भावना रहेको बुझिएको छ। सो सिफारिसपछि राष्ट्रपति कार्यालयले संवैधानिक प्रक्रिया अनुसार संसद् विघटन गर्नेछ।
