काठमाडौँ । आगामी फागुन २१ गतेका लागि तोकिएको प्रतिनिधिसभा निर्वाचन शान्तिपूर्ण र व्यवस्थित रुपमा सम्पन्न गर्न सबैलाई सहयोग गर्न राष्ट्रपति रामचन्द्र पौडेलले अनुरोध गरेका छन्।
शनिबार सार्वजनिक गरिएको वक्तव्यमा राष्ट्रपति पौडेलले कठिन परिस्थितिबाट देशले शान्तिपूर्ण निकास खोजेको भन्दै सबै पक्षलाई जिम्मेवार बन्न आह्वान गरेका छन्। उनका अनुसार संविधान, संसदीय प्रणाली र संघीय लोकतान्त्रिक गणतन्त्रलाई जोगाउन आगामी निर्वाचन महत्वपूर्ण अवसर बनेको छ।
राष्ट्रपतिले भनेका छन्, अब छ महिनाभित्र हुने प्रतिनिधिसभा निर्वाचनले अझ सबल र उन्नत लोकतन्त्रतर्फ देशलाई अघि बढाउने बाटो खोल्नेछ, त्यसैले सबैको साथ आवश्यक छ।
