इलाम – बजार अनुगमनले खुलेआम अवैध भारतीय रक्सी र म्याद गुज्रिएका खाद्य वस्तुहरू बिक्री भइरहेको पुष्टि गरेको छ। भदौ २२ र २३ गते इलाम नगरपालिका र सम्बन्धित निकायको नेतृत्वमा गरिएको अनुगमनका क्रममा स्थानीय बजारमा रहेका पसलहरूमा अचानक छापा मारिएको थियो।
अनुगमनको क्रममा २२ वटा पसलमा निरीक्षण गरिएको थियो। प्रहरीले विभिन्न अवैध तथा म्याद गुज्रिएका सामग्री बरामद गरेको जनाएको छ। त्यसमा प्रमुख रूपमा:
१४ काटुन सिक्किमे रक्सी
१२ काटुन रङवाला नुडल्स
१४ केश म्याद गुज्रिएका पेय पदार्थ
बरामद सामग्री मध्ये सबैभन्दा बढी शिवाकोटी स्टोरबाट फेला परेको थियो। उक्त पसलबाट मात्र ७८ बोतल सिक्किमे रक्सी र आठ काटुन नुडल्स बरामद गरिएको थियो।
नगरपालिकाका प्रतिनिधिहरूले भनेका छन्, “जनताको स्वास्थ्य र सुरक्षाको ख्याल गर्दै यस्तो अनुगमन नियमित रूपमा गरिनेछ। अवैध र म्याद गुज्रिएका वस्तु बिक्री गर्नेहरूविरुद्ध कडा कारबाही हुनेछ।”
स्थानीय बासिन्दाहरूले पनि अनुगमनको स्वागत गर्दै बजारमा स्वास्थ्य र सुरक्षासम्बन्धी नियमको पालना अनिवार्य हुनुपर्ने बताएका छन्। उनका अनुसार, बजारमा अनियमितता र अवैध वस्तु बिक्री रोक्न निरन्तर निगरानी आवश्यक छ।
नगरपालिकाले आगामी दिनमा पनि यस्ता अनुगमन कार्यक्रम जारी राख्ने र अवैध व्यापार नियन्त्रणका लागि थप कदम चाल्ने योजना रहेको बताएको छ। यसले उपभोक्ताहरूलाई सुरक्षित र गुणस्तरीय सामान उपलब्ध गराउने उद्देश्य राखेको छ।
