इलाम । इलामेलि सेवा समाज दक्षिण कोरिया मार्फत प्राप्त सहयोग नगद रूपमै फाकफोकथुम गाउँपालिकाका प्रशासकीय अधिकृत निर्मल तुम्रोकको टिमद्वारा प्रदान गरिएको छ।
गत असोज १८–१९ गतेको अविरल वर्षात्का कारण पैरोमा परि ज्यान गुमाएका स्व. सुरेश लिम्बूका परिवारलाई राहत वितरण गरिएको हो। राहत रकम रु १०,००० पीडित परिवारका अभिभावक श्री जीत बहादुर लिम्बूलाई हस्तान्तरण गरिएको छ।
राहत वितरण कार्यक्रममा सहभागी:
फाकफोकथुम स्वास्थ्य शाखा अधिकृत श्री याम बस्नेत
पञ्जिकरण शाखा कर्मचारी श्री बिमल घिमिरे
पालिका सहायक सव–इन्जिनियर श्री दीपेश राई
पालिका कर्मचारी श्री गोविन्द लामिछाने
प्रमुख प्रशासकीय अधिकृत श्री निर्मल तुम्रोक
समाजसेवी श्री पदम थेगिम लिम्बू
राहत वितरणका क्रममा उपस्थित व्यक्तिहरूले पीडित परिवारलाई दुःखको क्षणमा साथ दिने, सहानुभूति प्रकट गर्ने र प्रदेशभरी रहेका नेपाली दाजुभाइ–बहिनीहरूको सहयोग बुझाउने उद्देश्य राखिएको थियो।
राहत ग्रहण गर्दै श्री जीत बहादुर लिम्बूले भने, “छोरा गुमाउँदा ठूलो पीडा भयो, तर देश–विदेशका दाजुभाइहरूको सहयोग र सहानुभूति पाएर आफूलाई एक्लो महसुस भएन। दक्षिण कोरियाबाट आएको यस सहयोगले हाम्रो मनमा ठूलो सहारा पुगेको छ।”
समाजले यस राहत उपलब्ध गराउन सहयोग गर्ने दक्षिण कोरियाली टिम प्रति हार्दिक आभार व्यक्त गरिएको छ। विशेष राहत सहजकर्ताका रूपमा पूर्व अध्यक्ष श्री केदार निरौला र टीका थेगिमलाई पनि धन्यवाद दिइएको छ।
