इलाम। २०८२ साल पौष २८ गते सोमबार, इलाम जिल्लामा अन्तर–जिल्ला सुरक्षा समन्वय बैठक सफलतापूर्वक सम्पन्न भयो। बैठकमा इलाम जिल्लाका प्रमुख जिल्ला अधिकारी श्री लक्ष्मण ढकालको संयोजनमा झापा जिल्लाका प्रमुख जिल्ला अधिकारी श्री शिवराम गेलाल र पाँचथर जिल्लाका प्रमुख जिल्ला अधिकारी श्री बासुदेव दाहालसहित तीनै जिल्लाका सुरक्षा समितिका पदाधिकारीहरूको उपस्थिति रह्यो।
बैठक सुर्योदय नगरपालिकाको सभाहलमा आयोजना गरिएको थियो। बैठकको उद्देश्य तीन जिल्ला बीच सुरक्षा समन्वय, आपसी जानकारी साझा गर्नु र आपतकालीन परिस्थिति तथा सुरक्षा व्यवस्थालाई थप मजबुत बनाउने थियो।
सुरक्षा सम्बन्धी विभिन्न विषयमा छलफल गर्दै जिल्ला अधिकारीहरूले आपसी सहयोग, सूचनाको समयमै आदान–प्रदान र सामूहिक रणनीति निर्माणमा जोड दिएका थिए। यस बैठकले इलाम, झापा र पाँचथर जिल्लाबीच सुरक्षा समन्वयलाई अझ प्रभावकारी बनाउने अपेक्षा गरिएको छ।
बैठकमा सहभागी पदाधिकारीहरूले आगामी दिनमा हुने सुरक्षा चुनौती, आपतकालीन योजना र प्रहरी–सैनिक समन्वय सम्बन्धी विभिन्न सुझावहरू प्रस्तुत गरेका थिए। यसले जिल्लाहरूबीचको सुरक्षा प्रणालीलाई थप चुस्त, जवाफदेही र व्यवस्थित बनाउनेमा टेवा पुग्ने आयोजकहरूको विश्वास रहेको बताइएको छ।
