काठमाडौँ–बौद्धस्थित भव्य समारोहमा सम्पन्न १८औँ मिस तामाङ प्रतियोगिता मा साम्राज्ञी मोक्तान विजेता भएकी छिन्। प्रतियोगितामा कुल १७ प्रतिस्पर्धी सहभागि भएका थिए, जसमा मोक्तानले उत्कृष्ट प्रस्तुतिका साथ सबैलाई पछि पार्दै ताज जितेकी हुन्।
विजेता साम्राज्ञी मोक्तानले नगद ५० हजार रुपैयाँ सहित विभिन्न उपहार प्राप्त गरिन्। उनले आफ्नो जीतको अवसरमा नेपाललाई अन्तर्राष्ट्रिय रूपमा सांस्कृतिक रचनात्मकतामा चिनाउने आशा व्यक्त गरिन्।
प्रतियोगितामा सुस्मा लामा स्याङ्तान फस्ट रनर अप र सृष्टि थिङ तामाङ सेकेन्ड रनर अप घोषित भए। आयोजकले प्रतिभाशाली प्रतियोगीहरूको प्रस्तुतिलाई सराहना गर्दै भविष्यमा पनि सांस्कृतिक कार्यक्रमहरूको निरन्तरता रहने जानकारी दिएका छन्।
प्रतियोगितामा सहभागी सबैले आफ्नो प्रतिभा प्रदर्शन गर्न पाउँदा उत्साहित भएका थिए। आयोजकले यस कार्यक्रमको माध्यमबाट युवा पुस्तामा सांस्कृतिक चेतना जागृत गर्ने र तामाङ समुदायको कला, संस्कृति र परम्परा प्रचार–प्रसार गर्ने उद्देश्य रहेको जनाएका छन्।
