मिति: २०८२ फागुन २ (फेब्रुअरी १४, २०२६) इलाम ।
सूर्योदय नगरपालिका शिक्षा, युवा तथा खेलकुद शाखाको आयोजना अन्तर्गत सञ्चालन भइरहेको १६ औँ नगरस्तरीय राष्ट्रपति रनिङ शिल्ड छनौट प्रतियोगितामा आज दोस्रो दिन एथलेटिक्सका विभिन्न विधासँगै कराँते, भलिबल र अन्य खेलहरू उत्साहपूर्वक सम्पन्न भएका छन्।
प्रतियोगितामा सहभागी खेलाडीहरूले उच्च खेल भावना, अनुशासन र प्रतिस्पर्धात्मक क्षमताको उत्कृष्ट प्रदर्शन गरेका थिए। यसले नगरस्तरीय खेलकुद प्रतियोगितामा युवाहरूको उत्साह र क्षमतालाई झल्काएको छ।
यसै क्रममा, हिजो र आज सम्पन्न खेल विधामा प्रथम, द्वितीय तथा तृतीय स्थान हासिल गर्ने खेलाडीहरूलाई प्रमाणपत्र र पदक वितरण गरिएको छ। नगरपालिकाका अधिकारीहरूले आगामी दिनमा पनि यस्ता प्रतियोगिताहरू निरन्तर सञ्चालन गरी खेलकुदलाई प्रवद्र्धन गर्ने योजना रहेको बताएका छन्।
प्रतियोगितामा सहभागिता र प्रतिस्पर्धाबाट युवाहरूमा खेलकुदप्रति रुचि बढ्ने र स्वास्थ्य तथा अनुशासनको विकास हुने विश्वास व्यक्त गरिएको छ।
