‘चौतारीको डिलमा’ गीत सार्वजनिक, प्रेमभावनालाई संगीतमार्फत प्रस्तुत

‘चौतारीको डिलमा’ गीत सार्वजनिक, प्रेमभावनालाई संगीतमार्फत प्रस्तुत

काठमाडौं । राष्ट्रप्रेमी गीतकार विदुर खड्का को शब्द सिर्जनामा तयार गरिएको नयाँ गीत ‘चौतारीको डिलमा’ सार्वजनिक गरिएको छ। लोकभावना र प्रेमिल कथावस्तुलाई समेटिएको गीतले दर्शक तथा श्रोतामाझ सकारात्मक प्रतिक्रिया पाइरहेको छ।

गीतमा कृष्ण काफ्ले को स्वर रहेको छ भने संगीत सरोज प्याकुरेल ले दिएका हुन्। संगीत संयोजन मनोहर सुनामले गरेका छन् भने मिक्सिङ तथा मास्टरिङ भोला पौडेलले गरेका छन्।

गीतको भिडियोमा सन्दिप बाबु लोहनी, रचना शिवाकोटी र मोती सुवेदी को अभिनय देख्न सकिन्छ। छायांकन प्रकाश खड्काले गरेका हुन् भने श्रृंगार संगीता चन्द ढकुरीको रहेको छ। भिडियोको कोरियोग्राफी देवेन्द्र कुँवर ले गरेका छन्।

भिडियोको कथामा एक युवकले चौतारीमा नियमित रूपमा देख्ने युवतीप्रति मनमा प्रेमभाव राखे पनि आफ्नो भावना व्यक्त गर्न नसकेको अवस्थालाई कलात्मक रूपमा प्रस्तुत गरिएको छ। सरल प्रेमकथालाई भावनात्मक शैलीमा देखाइएको भिडियोले गीतलाई थप आकर्षक बनाएको छ।

नेपाली मौलिकपन, प्रेमभाव र ग्रामीण परिवेशलाई समेटिएको ‘चौतारीको डिलमा’ गीतले संगीतप्रेमी दर्शकमाझ राम्रो स्थान बनाउने अपेक्षा गरिएको छ।

गीतको भिडियो र्हेन तल क्लिक गर्नुहोस ।
<iframe width=”100%” height=”315″ src=”https://www.youtube.com/embed/f9bHk8up-P4?si=Al4Fjy-uE9IkFkev” title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>