त्रिवेणी युवा विकास संस्थालाई अम्बर लिम्बूद्वारा १६ हजार रुपैयाँ बराबरको जर्सी सेट सहयोग
फाकफोकथुम। जुरिथुम्की स्पोर्टिङ क्लबद्वारा आयोजित प्रथम जुरिथुम्की नकआउट फुटबल प्रतियोगितामा सहभागी त्रिवेणी युवा विकास संस्थाका खेलाडीलाई प्रोत्साहन गर्ने उद्देश्यले खेलकुदप्रेमी तथा समाजसेवी अम्बर लिम्बूले १६ हजार रुपैयाँ बराबरको जर्सी सेट सहयोग गर्नुभएको छ।
फाकफोकथुम गाउँपालिका–४ का लिम्बूले प्रतियोगितामा सहभागी खेलाडीहरूको हौसला, उत्साह र मनोबल बढाउँदै संस्थाको खेलकुद विकास तथा युवा प्रोत्साहनमा योगदान पुर्याउने उद्देश्यले उक्त जर्सी सेट प्रदान गर्नुभएको हो।
उहाँको यस सहयोगले खेलाडीहरूलाई थप ऊर्जा र प्रेरणा मिल्नुका साथै स्थानीयस्तरमा खेलकुदको विकास, युवाको क्षमता अभिवृद्धि तथा सामाजिक सेवामा सकारात्मक योगदान पुग्ने विश्वास लिइएको छ।
सहयोगप्रति त्रिवेणी युवा विकास संस्थाले समाजसेवी लिम्बूप्रति हार्दिक आभार व्यक्त गरेको छ। संस्थाले खेलकुद प्रवर्द्धनप्रति उहाँले देखाउनुभएको उदारता, सद्भाव र सहयोगी भावनाको उच्च सम्मान गर्दै आगामी दिनमा पनि यस्तै सहयोग र सहकार्यको अपेक्षा गरेको जनाएको छ।
संस्थाका अध्यक्ष इरन राईका अनुसार समाजसेवी लिम्बूको सहयोगले खेलाडीहरूलाई प्रतियोगितामा उत्कृष्ट प्रदर्शन गर्न थप हौसला मिल्नेछ। उनले सहयोगी लिम्बूको उत्तरोत्तर प्रगति, सुस्वास्थ्य, दीर्घायु तथा उज्ज्वल भविष्यको कामनासमेत व्यक्त गरेका छन्।
स्थानीयस्तरमा खेलकुदको विकास र युवालाई प्रोत्साहन गर्न समाजसेवी तथा सहयोगी मनहरूबाट प्राप्त हुने यस्ता योगदानले खेलाडीहरूको मनोबल उच्च बनाउन र खेलकुद गतिविधिलाई थप प्रभावकारी बनाउन महत्वपूर्ण भूमिका खेल्ने अपेक्षा गरिएको छ।
