गण्डकी । गण्डकी प्रदेशका पूर्वमुख्यमन्त्री पृथ्वीसुब्बा गुरुङले गण्डकी सरकार ढल्नुमा प्रधानमन्त्री केपी ओली जिम्मेवार रहेको आरोप लगाएका छन् ।
पूर्वमुख्यमन्त्री गुरुङले आइतबार बिहान आफ्नै निवासमा पत्रकार सम्मेलन गर्दै यस्तो आरोप लगाएका हुन् हो । उनले प्रधानमन्त्री ओलीको पनि केही गल्ती भएको तर राजनीतिक दलले आफूलाई करेक्सन गर्नुपर्ने बेला आएको बताए । उनले आफू कसैको दबाबमा निष्ठा त्याग्ने मानिस नभएको बताए । साथै उनले नयाँ सरकार लामो समय नटिक्ने दावी गरे ।
उनले शनिबार गठबन्धनका सांसदले गरेको क्रियाकलापप्रति असन्तुष्टि समेत जनाए। उनले भने, ‘राजनीतिक नेताको कुण्ठाको कारण एमाले सरकार विस्थापित बनाइयो। लोकतन्त्र विधिको शासन हो। कोरोनाको महामारीमा सत्ता परिवर्तन र केन्द्रीय राजनीति प्रदेशमा केन्द्रीत हुनु गलत हो।’
बदलाको भावमा नै सरकार परिवर्तन भएको बताउँदै उनले संकटको बेलामा नै पार्टी बलियो बनाउन सकिने बताए। मुख्यमन्त्री भएपछि केन्द्रमा महत्वपूर्ण काममा बाहेक अघिपछि नगएको बताउँदै उनले अब पार्टीलाई संकटबाट जोगाउनको लागि समय आएको बताए।
