काठमाडौं । मनसुन बाहिरिएपछि पनि देशका विभिन्न भूभागमा वर्षाको सम्भावना कायमै रहेको छ। पश्चिमी वायु र स्थानीय वायुको प्रभावका कारण आज हिमाली तथा पहाडी क्षेत्रमा आंशिकदेखि सामान्य बदली रहने अनुमान गरिएको छ।
मौसम पूर्वानुमानअनुसार दिउँसो लुम्बिनी र सुदूरपश्चिम प्रदेशका तराई क्षेत्रमा पनि आंशिक बदली रहनेछ। गण्डकी, लुम्बिनी, कर्णाली र सुदूरपश्चिम प्रदेशका हिमाली तथा पहाडी भूभागका केही स्थानमा मेघगर्जन र चट्याङसहित मध्यम वर्षा हुन सक्ने सम्भावना छ।
त्यस्तै, लुम्बिनी र सुदूरपश्चिम प्रदेशका तराईका केही स्थानमा समेत वर्षा हुन सक्ने अनुमान गरिएको छ। सम्भावित वर्षा र चट्याङलाई ध्यानमा राख्दै आवश्यक सतर्कता अपनाउन आग्रह गरिन्छ।
