काठमाडौँ। दसैँपछि खुलेको सुनचाँदी बजारमा सुनको मूल्यमा उल्लेख्य गिरावट आएको छ। आइतबार सुनको मूल्य प्रतितोला ११ हजार ६०० रुपैयाँले घटेर २ लाख ७८ हजार ५०० रुपैयाँ कायम भएको छ।
यसअघि गत साता सुन प्रतितोला २ लाख ९० हजार १०० रुपैयाँमा कारोबार भएको थियो। पछिल्लो मूल्य घटेसँगै सुन खरिद गर्ने उपभोक्ताले अघिल्लो कारोबारको तुलनामा कम मूल्य तिर्नुपर्ने भएको छ।
सुनसँगै चाँदीको मूल्यमा पनि गिरावट देखिएको छ। चाँदी प्रतितोला १९५ रुपैयाँले घटेर ३ हजार ९५५ रुपैयाँमा झरेको छ।
अघिल्लो साता चाँदी प्रतितोला ४ हजार १५० रुपैयाँमा कारोबार भएको थियो। नेपाल सुनचाँदी व्यवसायी महासंघले सार्वजनिक गरेको मूल्य विवरणअनुसार दुवै धातुको मूल्य घटेको हो।
सुनचाँदीको मूल्यमा आएको यो परिवर्तनले बजारको कारोबारमा समेत प्रभाव पार्न सक्ने देखिन्छ।
